4歲馬經典系列賽即將開打,頭關香港經典一哩賽將於2月1日舉行,潘頓雖然嚟緊周日揀騎'美麗星晨'而放棄'白鷺金剛',
但依佢嘅講法,全因一早應承策騎'美麗星晨'跑呢場三班1600米條件限制賽,而唔係2選1。
換言之,連同剛戰喺佢胯下勝出嘅'睿盛人生',佢仲未揀定騎邊匹出戰香港經典一哩賽。
雖然潘頓仲未揀定香港經典一哩賽坐騎,但有人已經虎視眈眈希望'執手尾'。
據悉,莫雷拉表明如果'睿盛人生'不獲潘頓選中,佢有意來港為此駒執缰出戰香港經典一哩賽。
其實又不難理解,'睿盛人生'來港前喺巴西取得4冠2亞,其中一場頭馬就係由莫雷拉經手,更大勝對手接近7馬位,
佢當然知道呢匹馬實力去到邊度,假若屆時真係人馬異地重逢,相信會引來唔少話題。
拉叔:聽說大潘你很想經典一里爆機