英國離奇事件 同場5位騎師罰停賽10日!
尋晚喺英國溫莎馬場舉行嘅一場六班讓賽發生戲劇性意外,結果共有5位見習騎師被罰停賽10日。
事緣該場賽事起步時,其中一匹出賽馬Master Zack喺閘箱內起擒,同時,2檔Beaumadier嘅閘箱未能同步打開,未獲公布出閘,而Master Zack及後更走出跑道,撞毁3度圍欄。
係呢個時候,工作人員立即揮動旗幟及吹響哨子,以示比賽暫停,但大多數騎師未有注意到,總共有6名騎師繼續策騎並完成比賽。
賽後,競賽小姐立即展開研訊,發現騎師戴可盛、Taryn Langley、杜顯廷、胡勤佳及蔣佳淳忽視暫停比賽旗幟,因此判罰各人停賽10日。
沒有被罰停賽騎師有兩位,包括策騎Master Zack嘅Ryan Kavanagh,佢當時喺閘內被拋下,而Beaumadier鞍上人Conor Whiteley則在暫停比賽旗幟揮動後,試圖將坐騎拉停。
當地首席裁判管表示,被罰騎師解釋當時繼續策騎嘅騎師聲稱並無看到旗幟揮動,也聽不到哨子響聲,不過賽會有非常清晰嘅錄像,因此認為5位騎師當時應該見到旗幟及聽到哨子響聲。
此外,該場賽事已根據既定程序,被視為無效賽事。
感覺英國馬滿常鬧閘的樣子
![[ac:哦]](https://img4.nga.cn/ngabbs/post/smile/ac12.png)